Video
Read full review
2014-05-09
1078 views
晌荃灣城市中心稻香嘆完茶，最尾一籠「飄香榴槤卷」，實在色香味俱泉，九泉之下個泉，仲諗住有個甜點作結，實在搏錯咗，認真失策 。所以，為咗彌補依個「空虛」，我哋過去荃灣廣場嘅Haagen Dazs，再戰雪糕 。依間HD鋪位細細，鋪內大概15、16個位左加，仲偷咗商場少少門口位加多張枱。而兩大個凍櫃，一共提供20款雪糕口味，除熱門口味，亦有新出品。翻完一輪堂食餐牌，既然要填補個「空虛」，冚過榴槤卷個「惡夢」，一於要個經典甜點「快樂無限」（Mini Happy Forever），自選9球雪糕配多款鮮果，睇見都令人快樂 。相片即喺相片，只供參考，就算喺堂食，都喺用個紙盒兜住 ，幾片生果堆埋一邊，而且，啲雪糕球都比較刮得細，有幾款味道仲特別細粒，感覺有啲將「盒」就貨 ！味道由左至右，上而下，逐一同大家分享。 仲夏野莓（Summer Berries） 從官網所知，「仲夏野莓」混雜紅桑子、士多啤梨、藍莓及黑莓而成，其實唔會好分得出有咩莓，但味道酸香清新，令人醒神。 抹茶（Green Tea） 抹茶味，不用多介紹，茶味幾幽香純厚，入口細滑。 焦糖脆餅（Caramel Biscuit
依間HD鋪位細細，鋪內大概15、16個位左加，仲偷咗商場少少門口位加多張枱。而兩大個凍櫃，一共提供20款雪糕口味，除熱門口味，亦有新出品。
翻完一輪堂食餐牌，既然要填補個「空虛」，冚過榴槤卷個「惡夢」，一於要個經典甜點「快樂無限」（Mini Happy Forever），自選9球雪糕配多款鮮果，睇見都令人快樂 。
相片即喺相片，只供參考，就算喺堂食，都喺用個紙盒兜住 ，幾片生果堆埋一邊，而且，啲雪糕球都比較刮得細，有幾款味道仲特別細粒，感覺有啲將「盒」就貨 ！味道由左至右，上而下，逐一同大家分享。
仲夏野莓（Summer Berries） 從官網所知，「仲夏野莓」混雜紅桑子、士多啤梨、藍莓及黑莓而成，其實唔會好分得出有咩莓，但味道酸香清新，令人醒神。
抹茶（Green Tea） 抹茶味，不用多介紹，茶味幾幽香純厚，入口細滑。
焦糖脆餅（Caramel Biscuit & Cream） 小弟身為焦糖死粉，所以揀咗兩款焦糖味雪糕，「焦糖脆餅」喺其一，焦糖味雪糕加入一啲細細粒焦糖脆餅，「焦」香過人，脆餅又帶嚟脆口感。推介依款味道，純為個人喜好！
朱古力焦糖碎餅（Chocolate Caramel Cone） 另一款焦糖味雪糕喺「朱古力焦糖碎餅」，比利時純朱古力雪糕本應十分香濃，配上焦糖碎餅，不過，感覺喺啲碎餅被超濃朱古力冚咗。
士多啤梨芝士餅（Strawberry Cheesecake）芝士餅味嘅雪糕，內含核桃碎，前者香滑濃郁，後者香脆可口，不過，「士多啤梨」只喺以果醬形式加入，少得可憐，所以，基本上食唔到咩士多啤梨味。
曲奇雲呢嗱（Cookie & Cream） 雲呢嗱雪糕配朱古力碎曲奇，就算唔喺哈根大師品牌，都有其他品牌有出依款味。奶香嘅雲呢嗱味，濃郁嘅曲奇碎，雖喺常見嘅口味，但一樣好食。
芒果熱情果（Mango Passion Fruit） 芒果雪糕幾清甜，質感柔滑，混入嘅熱情果醬，芳香得嚟酸咪咪，幾時都覺得芒果夾熱情果喺夏日清爽之選。
香蕉朱古力蛋糕（Banana Chocolate Brownie） 香蕉搭朱古力，一向都甚有市場，香蕉味雪糕，加入朱古力班尼士蛋糕，雪糕香滑充滿「蕉」氣，班尼士蛋糕濃郁嘅朱古力味，軟腍口感，絕對得我歡心。
紅桑子雪菓（Raspberry Sorbet） 雪菓一向都口感寧捨冰涼柔滑，加埋紅桑子嘅酸香，真喺一啖醒神！
平時話香港啲商場冷凍開得大，不過，Haagen Dazs個位就一定唔喺，可能同近門口有關，又無裝風閘，所以，我哋嗰9球雪糕都溶得幾快，3個人要快手密密食 。
Post
