大快活 (Closed)

平時真係好少係呢間快餐店食午餐，難得今日係灣仔上training，中午真係搵食艱難，佢似乎係比較合適既選擇。 同超過一年前食既時候一樣，咖哩系列都依然係度。今次揀左咖哩豬排飯，記得上次食既時候得好少薯仔，今次有進步，薯仔多左。豬排份量尚算唔錯，食落肉質唔錯，雖然唔係頂級水準。整個飯既靈魂-咖哩十分討好，唔會太杰，咖哩顏色夠鮮，食落味道幾岩自己口味，又唔會太辣，連埋飯食一流！如果飯可以多d就更加好！快活咖哩咁耐都屹立不倒果然係有佢既原因。