添好運點心專門店 (Closed)

下晝點零鐘， 幾個人喺將軍澳食飯，想食點心又想快，咁就呢間啦! 可能係平日， 呢個鐘數都仲有位， 劃完點心紙， 大概五分鐘就有嘢食啦 。我最愛賽螃蟹春卷， 外層卜卜脆， 裏面有蛋白同蟹肉， 一齊食好夾呀! 另一至愛酥皮焗叉燒包， 墨西哥皮， 裏面叉燒少少肥， 肉汁豐富。 我鍾意食呢種叉燒包多個傳統白色皮果隻，呢隻香口啲。仲有古法糯米雞， 糯米飯滲著荷葉香同餸汁， 軟綿綿， 好好食呀! 三蚊一位茶又唔使加一 ，我哋叫咗六個點心， 一隻糯米雞 ，一個盅頭飯， 五個人 ，一人都係三十零蚊， 抵食 。