Video
Read full review
2022-09-24
248 views
今日出尖東有工作要處理，中間有少少空檔，同同事可以食一個快飯，就入咗半島中心嘅I Cafe餐廳。餐廳有啲似茶餐廳格局，不過係商場入面，坐窗口位望落街都幾寫意。捱到下午兩點，我哋本身無食早餐，所以已經非常肚餓，於是一人嗌咗一個午餐。等咗唔使8分鐘就齊晒所有食物，速度夠快！🎈芝士焗雞扒飯配凍奶茶同事點嘅呢個餐可以跟一個餐湯，佢就揀咗羅宋湯，湯入面有唔少菜做配料都唔錯👍🏻焗飯份量好大碟，啱晒個肚打晒鼓嘅我哋，芝士有少少拉絲效果，雞扒有兩大塊非常滿足😋凍奶茶就夠晒冰，解渴一流。🎈黃袍原條鰻魚飯配凍利賓納我嗌嘅鰻魚飯就喜出望外😮💫原條上嘅鰻魚又大又肥美，配合飯面嘅半熟炒蛋🍳非常濕潤好味，再加上甜醬油做點綴更加係錦上添花😁好耐無飲過利賓納，難得今日癮起，一飲就覺得好爽！兩位埋單承惠136元，我覺得都算幾扺食，同場都有唔少後生仔女幫襯，同埋唔使等位直入餐廳真係好方便😜！
餐廳有啲似茶餐廳格局，不過係商場入面，坐窗口位望落街都幾寫意。
捱到下午兩點，我哋本身無食早餐，所以已經非常肚餓，於是一人嗌咗一個午餐。等咗唔使8分鐘就齊晒所有食物，速度夠快！
🎈芝士焗雞扒飯配凍奶茶
同事點嘅呢個餐可以跟一個餐湯，佢就揀咗羅宋湯，湯入面有唔少菜做配料都唔錯👍🏻焗飯份量好大碟，啱晒個肚打晒鼓嘅我哋，芝士有少少拉絲效果，雞扒有兩大塊非常滿足😋凍奶茶就夠晒冰，解渴一流。
🎈黃袍原條鰻魚飯配凍利賓納
我嗌嘅鰻魚飯就喜出望外😮💫原條上嘅鰻魚又大又肥美，配合飯面嘅半熟炒蛋🍳非常濕潤好味，再加上甜醬油做點綴更加係錦上添花😁好耐無飲過利賓納，難得今日癮起，一飲就覺得好爽！
兩位埋單承惠136元，我覺得都算幾扺食，同場都有唔少後生仔女幫襯，同埋唔使等位直入餐廳真係好方便😜！
Post
