武士拉麵 (Closed)

睇戲首選永遠都係九展，戲院新又唔易爆場。但搵嘢食從來都係一個問題。不過近排九展都開咗唔少新餐廳，今日睇戲前我哋就快閃食咗個拉麵。時間無多，去拉麵店唔需要花太多時間選擇。而呢間仲同戲院合作，睇戲食飯有優惠。我哋極快速就選好自己鍾意的食物，老公叫咗個牛乳拉麵。試咗一啖湯，牛乳味真係好濃，而且粟米好甜好夾。我就點左一個地獄拉麵，滿滿的紅油令人睇見都覺得刺激。拉麵麵條軟硬適中，湯底的濃度亦剛好，有少少沾面的效果。呢個地獄湯底都幾香濃，但真係幾辣架！至於配料，糖心蛋做到半熟，值得一讚。另外好欣賞佢的叉燒，比較厚身有咬口，而且仲輕輕燒香過。小食方面，我哋揀咗炸蝦同埋雞翼，兩款小食唔係主打，但都有一定水準。