Video
Read full review
2020-12-02
124 views
有日朋友突然send咗條link過嚟，話約我去屋企打邊爐，原來宜家可以網上落單，有圖有字有價錢，清清楚楚，手指動2動已經搞掂晒，連錢都俾埋，真正快捷方便。本身仲可以揀埋送貨添，不過反正去開呢頭，就決定自取，順便睇吓呢間野係咩料。第一次入火鍋撚，門口和裏面嘅裝修都勁有中國特色，行上一層立即傳來食物嘅香味，成間野相當四正，外賣食物有保證，下次試堂食都好。對好資料，店員就叫我坐低等等，食物即場包裝，我哋叫嘅係「媽媽滋補老火湯鍋」（$119 ），要用兩個大圓盒裝住，用保鮮紙密封好，所以返到屋企都完全冇漏。呢個老火湯鍋真係一煲湯，所以煮滾左都忍唔住即刻飲番兩碗，超好味，而且仲有好多湯渣，豬肉、紅蘿蔔、粟米、淮山、杞子等等，成件事真係好似飲緊自己煲嘅老火湯咁。湯底靚之餘，其他材料當然緊要啦。打邊爐必備嘅牛肉，今次挑選了「極品安格斯肥牛 (大) 」（$229），色澤鮮明、油脂平均， 淥一淥放入口，肉質鮮嫩，非常好味。涮羊肉片（半份 $89）好有羊味，肥瘦適中，絕對係打邊爐好選擇黑白栢葉拼 （半份$89）白柏葉比例較多，兩者都非常爽口，又易咬開黑松露雜菌餃（ $55 ）呢個係水晶皮包住雜菌，可惜我哋
有日朋友突然send咗條link過嚟，話約我去屋企打邊爐，原來宜家可以網上落單，有圖有字有價錢，清清楚楚，手指動2動已經搞掂晒，連錢都俾埋，真正快捷方便。本身仲可以揀埋送貨添，不過反正去開呢頭，就決定自取，順便睇吓呢間野係咩料。
第一次入火鍋撚，門口和裏面嘅裝修都勁有中國特色，行上一層立即傳來食物嘅香味，成間野相當四正，外賣食物有保證，下次試堂食都好。
對好資料，店員就叫我坐低等等，食物即場包裝，我哋叫嘅係「媽媽滋補老火湯鍋」（$119 ），要用兩個大圓盒裝住，用保鮮紙密封好，所以返到屋企都完全冇漏。呢個老火湯鍋真係一煲湯，所以煮滾左都忍唔住即刻飲番兩碗，超好味，而且仲有好多湯渣，豬肉、紅蘿蔔、粟米、淮山、杞子等等，成件事真係好似飲緊自己煲嘅老火湯咁。
媽媽滋補老火湯鍋
$119
5 views
0 likes
0 comments
湯底靚之餘，其他材料當然緊要啦。打邊爐必備嘅牛肉，今次挑選了「極品安格斯肥牛 (大) 」（$229），色澤鮮明、油脂平均， 淥一淥放入口，肉質鮮嫩，非常好味。
極品安格斯肥牛（大）
$229
16 views
0 likes
0 comments
涮羊肉片（半份 $89）
好有羊味，肥瘦適中，絕對係打邊爐好選擇
涮羊肉片（半份）
$89
2 views
0 likes
0 comments
黑白栢葉拼 （半份$89）
白柏葉比例較多，兩者都非常爽口，又易咬開
黑白柏葉拼（半份）
$89
5 views
0 likes
0 comments
黑松露雜菌餃（ $55 ）
呢個係水晶皮包住雜菌，可惜我哋淥得太耐，個皮就穿咗，不過都唔影響口味
黑松露雜菌餃
$55
7 views
0 likes
0 comments
流心鹹蛋黃豬肉丸 （半份 $68）
半份是三粒嘅份量，第一次食鹹蛋黃做餡料嘅豬肉丸，彈牙之中又有鹹香，好唔錯
手打雙重芝心丸 （半份 $69）
呢個芝士丸好好味，流心芝士冇得彈。而且手打嘅丸真係特別彈牙，十分推介
手打雙重芝士丸
$69
11 views
0 likes
0 comments
佢哋仲細心到連醬料都會提供（$20），企企理理裝好兩盒，仲有2樽豉油，完全唔使你費心！
後尾朋友話，呢個網會員消費仲有5% 購物金回贈，變相有折都唔錯呀。
Post
