華御結 (Closed)

今日過馬交搵吓有咩好食，上船前又口痕喎離遠見到以為係壽司，馬上過去睇睇先!原來大部份都係賣飯團，仲有什錦魚生飯等等。。買咗一個芥末章魚同鰻魚飯團再加個素什菜湯。呢味湯因為係素嘅關係，比起平常飲嘅雜菜湯清新啲，有幾款唔同嘅蔬菜同菇類，嚼口豐富，另外仲有其中一蔬就係秋葵喇!加咗秋葵後個湯飲落口更滑順，又無油，啱晒減肥中嘅女士喇御結就要咗鰻魚同芥末章魚，鰻魚有一片係裡，兩個飯都爽口，唔係雪到死硬個種，紫菜亦夠脆口，芥末章魚餡料份量適中，但略嫌芥末味唔夠，食唔到辣辣哋個種過癮。佢呢個包裝同以前食嘅開袋方法有啲唔一樣，係左右兩邊分開抆出嚟，咁就唔使整到成手都係方便好多，夜晚6點過後有8折，埋單盛為$39.2