聯記麵家

Open Now

Now Closed

當我諗唔到食咩，又想食粉麵的話，會來呢間聯記，雖然鋪位喺大巴站附近，都有好多遊客幫襯，但我都冇咩所謂，食個麵唔會花太多時間。呢度主要都係港式麵食，我多數食雲吞麵，門口有店員即日包，幾新鮮。而且店內環境都好企理。雲吞麵、菜心，連飲品冇記錯係50蚊，可接受，當然始創對面果啲會再平啲，但一來遠，二來好多時都full，lunch time得好少時間，冇咩空間去等位。雲吞麵放面頭，雲吞喺底，面質幾爽身，冇梘水味架，湯底又唔會太鹹，我鐘意加少少辣椒油，更加香。雲吞好似有四粒，我都冇咩留意，夠大粒，而且有明顯蝦肉，唔會霉，去貨快，起碼都會新鮮啲啦。蝦肉爽，豬肉又唔會太肥，皮薄餡靚收貨