肥姐小食店

Open Now

Now Closed

自從多咗旅客之後，肥姐小食店就排晒長龍，記得好耐之前食嘅時候都唔使排隊。雖然條隊有10幾個人，但係等5分鐘左右都會叫到野食，可謂夠「快」。我哋叫左大皇牌套餐，入面有八爪魚、雞腎同埋大腸，記得叫佢加埋芥末醬呀。平時都係用紙杯裝住，但係呢間小食店就會用一個小紙盤裝住，可以打下卡，可謂夠「靚」。呢三樣嘢食都冇腥味，加埋簡單嘅醬汁，就已經好好食，「正」！提提大家，肥姐小食店係位於馬路旁邊嘅舖位，通常啲人都會企喺路側邊食，但係會好擠擁。其實行前兩步會見到好景，嗰度有瓦遮頭同埋人流冇路邊咁多。