旺記冰室 (大本型) (Closed)

Happy Friday約左friend子撐檯腳~佢知我鍾意食蛋蛋就介紹我去佢屋企附近間冰室食蛋蛋飯~呢晚放工即刻飛去油塘搵佢~餐廳係大本型Foodcourt入面，非常易搵~👍7點去到雖然已經好多人但好好彩唔駛等位，睇Openrice繁忙時間好多人排，今日真係lucky~~~😝😝坐低望下Menu真係好多選擇，不過我一眼就睇中有牛肉同蝦做配料既滑蛋雙併飯~而friend子話好餓就叫左雜扒飯。跟餐有兩杯野飲。滑牛肉蝦仁雙併日本滑蛋飯我個飯黎左先~上檯見到成碟飯被滑蛋完美覆蓋住~上面既滑牛肉同蝦仁份量唔少!蝦都幾大隻，仲好爽口!滑牛肉夠淋唔韌~我心目中既主角滑蛋表現出色，夠滑又有蛋香味!上面有蔥粒增加左蛋既香味。畫龍點晴之處係個甜豉油，令成個飯唔會太乾之餘亦令味道提昇~旺記雜扒飯friend子既雜扒飯超大碟，雜扒係雞扒同豬扒，仲有滑蛋係隔離。兩塊扒都好大塊，佢評價話雞扒個皮好脆，肉質夠嫩滑，豬扒醃得入味唔鞋~配埋個洋蔥汁好惹味。本身都懷疑咁大碟佢食唔食得哂，點知佢食到一啖飯都冇剩。食下傾下就完左我今個星期既Happy Friday~