波士冰室

Open Now

Now Closed

話說今日公司要開大會，又要趕report，又要趕開會，所以諗住喺樓下茶餐廳搞掂～ 呢間係成日都幫襯其中一間茶餐廳～ 裝修有啲懷舊，用返以前嘅郵箱同埋鐵閘做裝飾。平時都會叫佢哋嘅快餐或者蛋包飯，今日有啲熱，所以淨係想食個麵。波士常餐沙嗲鮮牛肉公仔麵+炒滑蛋、丹麥多土/奶油脆脆豬 $56 送熱飲我就加$6 轉咗出前一丁 同加$15 要埋波士瑞士雞翼2隻，沙嗲牛肉係用鮮牛肉，所以肉質有啲咬口，沙嗲汁香濃有少少辣，撈埋落個面度啱啱好。炒蛋嫩滑，丹麥多士鬆脆（其實同食緊牛角包好似），加配左兩隻雞翼，勁入味，係香甜嘅瑞士汁。因為個胃唔係好舒服，今日飲凍檸水～ 上次你飲佢嘅奶茶都幾香滑的