快靚正燒味粉麵茶餐廳 (Closed)

屋企人去了旅行，得返我一個人，所以就斬料返去屋企食飯，順便買返個西生菜加上蒸飯，方便快捷。這間燒味店平時都有幫襯，燒味全部都自己燒，所以十分新鮮。除了燒味，還有外賣飯盒，單拼都是$25，一個人食，真係好過自己煮。因為要食兩餐，所以就斬多少少，要了乳豬、叉燒及燒腩。乳豬要早去先有，外皮鬆脆肉又嫩。叉燒帶點蜜汁焦香，入口肉腍又鬆化。燒腩仔表皮卜卜脆，腩肉鬆化又不會過咸。下餐再食放入焗爐焗返脆個皮又食得。