Steak Bar (Closed)

今日心血來潮想食吉列牛，去開銅鑼灣見到依間有得食就自己走左去食😋晚上6:30到達，餐廳未有太多人。落單後等左5分鐘左右就有得食。爐上面預先放左片牛油，預熱五分鐘後將吉列牛放上去，想食幾熟自己話事。薄薄嘅炸皮包住嫩滑嘅牛肉，點上少少鹽，完美。燒牛肉配白飯已經好好味，依度嘅白飯上面仲加左好多飯素，將依個組合提升到另一個層次，令人忍唔住食晒成碗飯。😋😋套餐仲跟左沙律同冷豆腐，可以幫助解一解油膩感。