東湖小廚聯威餐廳

Open Now

Now Closed

今日同朋友嚟銅鑼灣行街，撞正食飯時間，四圍都好多人排隊，朋友就建議不如搵間茶餐廳食飯，因為一陣要去尖沙咀攞嘢，所以搵間方便又快捷嘅餐廳。經過見到呢間茶餐廳都幾多選擇，又有午餐可以揀，就隨便入咗去。先要行一條小樓梯到樓上，店內都幾大，所以一黎到就有位，座位寬敞，我們坐在卡位上，四周都有電視看看。MENU好多選擇，價錢又好合理，下午茶同早餐都好抵，精美小菜仲多嘢揀，因為正值午餐時間，所以我揀咗食午餐。餐具全部放喺櫃桶，乾淨整潔。日式炒烏冬 $52烏冬好快就上枱，滿足到我肚餓嘅慾望同埋要快，上枱仲係新鮮熱辣辣，全部都係即叫即整，醬汁味香濃，唔會好鹹，烏冬軟身而且入味，都幾彈牙，眨吓眼就食晒成碟，好飽肚。大紅豆冰 $5另外配多杯紅豆冰，紅豆好大粒，入口腍身又香甜，椰汁味豐富，飲完透心涼。平民價錢喺銅鑼灣食到咁方便嘅茶餐廳，味道又好食，下次行街都會再係我嘅首選。