鳴越越式料理

Open Now

Now Closed

「越式春卷」香脆可口，唔會炸得太燶，食完完全無熱氣嘅感覺。附上青菜比客人包住春卷黎食，生菜中和左春卷嘅油膩，所以食完唔會覺得成口油。生菜好新鮮，食落口又脆又甜。跟餐送野飲。三個餐分別嗌左「熱菊蜜」、「椰青」同「青檸薏米水」。「熱菊蜜」入口嘗到菊花香，唔會太甜，飲完好舒服。「椰青」好大個，最啱同朋友share。椰汁好清甜。「青檸薏米水」青檸有三片咁多，薏米份量都唔少，剛剛好。飲完覺得成日人好fresh呀！可能係習慣左中環上班族平日午飯用餐快嘅節奏，上餐好快，嗌完約五分鐘後就到齊曬所有野。食物水準不錯！呢間餐廳可以用快靚正黎形容！