臨記車仔麵 (Closed)

今日就係勁懶出街喺屋企附近試左依間臨記車仔麵😝 晏晝一點鐘嚟到已經好多人，好在鋪面夠曬大，點完餐再搵位坐低然後攞埋嘢食都係五分鐘，有效率! 我嗌咗一個讚岐烏冬底嘅車仔麵😂 配咖哩魷魚/牛筋/溏心蛋🍳omg半熟糖心蛋真係超好食，入面係十級流心😍😍😍 咖哩魷魚份量非常多，同平時酒樓食點心一籠咁上下份量，爽口彈牙!牛筋跟夠軟淋，入口軟骨半溶化狀態!!!! 必食之選😍 我仲嗌咗油炸鬼豬扒，厚身大塊! 煎得啱啱好非常香口😋一啲都唔鞋。油炸鬼雞翼同豬扒一樣炸得剛剛好，食厭咗土匪就可以試下呢隻! 加九蚊就可以配埋凍檸樂抵呀😆