天丼てんや

Open Now

Now Closed

平日晚市時間，起碼要排一個鐘以上先有機會食到， 下午茶時間等咗十分鐘左右就可以入座！ 喺排隊嘅時候，我哋已經睇咗餐牌，已經決定咗要食乜，所以一坐低已經可以即刻叫嘢食！ 以外嘅地方係下單之後大概5至10分鐘已經有食物上枱，速度比我想像中快？話曬都係炸物，仲以為要相對長嘅時間！呢度蕎麥麵嘅湯底相對比較清淡，比較似喺日本食到嘅嗰種，而且麵亦都有淡淡嘅麥味，唔錯！咁當然要講返主角天婦羅， 佢個炸漿算係薄身， 而且唔算太油， 可能因為係人氣店，所有食材嘅感覺都好新鮮， 但份量對於男士嚟講就可能唔太足夠， 兩個男士嚟食，應該需要叫三個餐先足夠。