丸亀製麵 (Closed)

又到咗無所事事嘅日子啦！今次去咗樂富行街街，行到肚餓。一個人都唔知食咩好添？所以就盲中中，中咗入去食烏冬啦。今次我就叫咗一個大嘅冷烏冬同埋明太子飯糰。如果想要蔥的話可以自己攞的, 鍾意幾多攞幾多, 唔鍾意的話又可以唔落, 幾好架!講番食物方面冷烏冬質地煙韌，有咬口，但唯獨是冷烏冬嘅湯底，實在太少啦。而明太子飯糰嘅明太子唔會太鹹，味道啱啱好 ，飯亦都好綿，但放得耐咗紫菜就唔脆啦。總結一個人快食快走，淨烏冬的價錢都算貴，但味道算是不錯。