101臺灣品味館 (Closed)

有時一個人要諗去邊度食嘢都好頭痛，今晚突然好掛住台北嘅牛肉麵，原來喺香港牛肉麵嘅選擇唔太多，好彩太子附近都有。呢度係茶餐廳風格，所有野都好快好趕，如果諗住慢慢傾計呢度未必啱你。不過我一個人冇所謂啦！一坐低就叫左碗牛肉麵諗都唔使諗牛肉都算入味不過唔太淋，全部都係肉無筋，不過勝在清清地，唔太鹹五香汁都幾香。麵條係粗身麵條，不過應該煮得過長時間所以有啲淋。沾上五香牛肉湯底都算有小小台北牛肉麵風味嘅，雖然唔係話真係好好食，不過止下癮都算係咁啦