大宮

Open Now

Now Closed

去element 行街睇完戲，諗住去超市買嘢返屋企食，點知就俾超市內其中一間餐廳吸引左！呢度有多款日式定食，有飯，拉麵，蕎麥麵都有！叫咗大宮和膳（牛肉）同炸豬扒定食，兩款定食都包埋麵豉湯同沙律菜。麵豉湯有豆腐同昆布，唔會太咸；椰菜絲就切得好整齊，有青椰菜同紫椰菜絲，仲有蕃茄仔，食落清新又爽脆。牛肉即時用鐵板炒熱，伴上甜甜地嘅醬汁，面頭灑上芝麻，牛肉夠嫩，加上芝麻香，真係拌飯一流!炸豬扒外層脆卜卜！金黃色，賣相吸引！豬扒一啲都唔乾，仲可以配埋健康嘅紅米飯，食多兩舊都唔覺得邪惡！另外點多一份炸餃子，香脆又有肉汁！每款食物上枱都有快又準，唔錯唔錯。