泛后甜品 (Closed)

本身打算食B仔涼粉，飯後時間，門口已經排左一大堆人等入座，食個糖水都要排咁耐，唯有放棄B仔，試下對面的泛後甜品，唔洗等已經可以入座～～Good！椰汁黑糯米（熱）椰汁夠香夠滑，拌勻黑糯米一齊食甜度剛好最喜歡食有口感的黑糯米，每粒都清楚分明，食落Q韌及有𡁻口～～芒果西米露，芒果算清甜，西米露口感夠Q彈，冰涼清爽，夏天消暑一流，食完透心涼！辣魚蛋係mini 版，咬落幾爽口但唔算入味，醬汁亦不算突出，味道普通普通的魚肉燒賣，唔餓可以唔洗點～～由於座位有限，食完15-20分鐘差不多要起身離座，快食快走～！