Bulldog Hotdog (永勝大廈) (Closed)

去開銅鑼灣整頭髮，因為預咗要整好耐先走得，所以上去整前就搵吓附近有咩食，唔想食麥記，見到有熱狗，好似唔錯就入去試吓，走美國風，都係預你快食快走，所以都係企位，簡單一餐又幾好，因為有好多選擇，所以又出現選擇困難症，最後揀咗德國風情再加錢轉皇牌牛腸，以一個作為快餐黎講，哥仔係整得有啲慢，仲要只係整我一份，不過可能因為得一個人既關係。整好見到隻熱狗呆咗，超大份，無預咁大隻，因為唔轉腸其實都只係39蚊，麥當勞一個貴少少既包都要呢個價錢，所以超值，女仔可以當一餐晚飯，個包好實在，上手微暖，但應該無烘過，然後當中以德國酸菜代替青瓜，酸酸地都幾fresh, 等你唔使咁漏，但個皇牌牛腸就無乜特別，唔使特別加錢轉，然後食完成個包好包。