Burger Kitchen (Closed)

首先，唔好講d野好唔好食，店員服務態度極度差！西口西面都算，因為天生既，無得怪人！叫左勁耐都無人落單，明明個舖頭就好細，當時得兩枱客，叫店員介紹下有咩好推介，塊面立即黑左，嫌你好麻煩咁！服務態度都唔重要，因為佢有咁多好評，以為d野好好食啦，點知……快餐店都好食過佢！叫左個classic beef burger另加20蚊，有薯條同野飲。牛肉漢堡係幾足料既，但牛肉無牛肉香味，有雪味，仲不停出血水。薯條炸得唔夠時間，薯條入面唔熟，食到有粉。點左杯mocha，淡而無咖啡香味，係一杯奶加咖啡水既野飲黎，麥當勞好味過佢好多。無論服務態度，食物品質，店舖環境，大型連鎖快餐店都好過佢多多聲。