快樂蜂 (亞皆老街)

Open Now

Now Closed

今次係一大班朋友聚會，其中有人已經搵咗一間樓上嘅party Room，地點就係靠近旺角同大角咀中間，因為嗰個位置附近食店唔算多，同埋本身一大班人響度，所以決定叫外賣。同埋係一班朋友聚會都係叫啲簡簡單單大家一齊食嘅嘢為主，跟住有人提議左Jolibee。點餐去到送貨嘅時間都算幾快，嚟到嘅時候包裝亦都好穩陣，叫咗兩桶雞一桶辣嘅一桶唔辣嘅，佢個餐同包一大盤嘅肉醬意粉，兩款雞都好食，同埋仲係熱嘅，個餐仲有一碗薯蓉同埋一大碗粟米，另外仲有幾個蜜桃批，總括嚟講所有嘅嘢食都唔錯，一定比家鄉雞好味，連埋其他嘅配菜都係比家鄉雞好味。基本上大家都覺得以後會叫Jolibee。