Boy n Burger (Closed)

好耐冇食burger忽然想食，喺灣仔做完野行過Boy n Burger，記得之前經過見幾多人幫趁，一於晚餐就試下佢啦。Boy n Burger走美式復古風格，佢地嘅漢堡有十零款，可以散叫亦可以加$30轉套餐，有埋汽水同薯條，另外佢地都有小食啤酒同其他冇汽飲品選擇，不過佢地最大賣點係佢地嘅漢堡都係即叫即整同經過嚴格管制，特別健康，唔係連鎖快餐嘅junk food可比，佢地嘅漢堡肉可以加$28轉植物肉，比傳統牛肉無論總脂肪同膽固醇都少好多。超級波比($80) - 哩個漢堡除左平時嘅生菜、番茄同酸瓜之外，佢嘅牛肉同芝士都特多別，入面有三塊牛肉同兩塊芝士，絕對係食肉獸嘅不二選擇。佢地嘅麵包烘得好靚仔，就算外賣返到屋企都仲好圓好平滑，加埋秘製醬汁，完全唔乾幾好食。招牌炸雞漢堡($50) - 炸雞好大塊同厚身，炸皮唔會太厚，拎到返屋企仲有少少脆嘅，雞肉亦都juicy唔會太鞋。醬汁量適中，唔會令漢堡食落太乾又唔會多到浸腍塊炸雞，香脆厚切薯條($22/S) - 薯條有少粗同幼兩款，粗身哩款除左比較厚身之外，食落仲特別有咬口。炸薯粒($18/S) - 哩然係S size，但份量都比想像大多，有十幾粒，薯