家傳滬曉 (Closed)

味道普通，碗碟唔乾淨，我平時都唔會洗碗碟，今次忍唔住要洗，無服務，成個場舉哂手都無人應，睇到扮睇唔到，食快餐就可以，安落茶飯就唔好提啦。食銀絲卷得個兩滴練奶，底下張牛油紙一拉出泥成個卷散哂，張紙重要痴住個邊。口水雞完全無味，鞋過鞋底。香片茶好似沖緊第十幾次咁，淡如水。上海粗炒一定係意大利人煮，超級Al dente，不過味道都格嘅...全餐飯最似樣已經係個拍青瓜，不過都係超重味精。不過真係要比個讚傳菜果個綠衫姐姐，雖然年紀大左小小，超好態度，同其他個啲經理同樓面唔同，個個黑口黑面，由頭到尾一句多謝都無。唉...