天府人家

Open Now

Now Closed

朋友介紹話係抵食正宗四川餐廳，擇個吉日試一試啦。～ 豆素卷賣相唔錯，不過入口凍冰冰，似係剛剛在雪櫃內直接取出來奉客個種，同期待中嘅外脆內軟完全冇果會事。。。紅蘿蔔同白色嘅不明物體明顯地煮過頭了。。。入口只有一個感覺～淋茲茲，淡而無味。。。～蒜泥白肉老實講，係我呢幾年在所謂正宗四川餐廳入面食過最差嘅蒜泥白肉。。。入口只覺得係蒜蓉、黑豉油同辣椒油分咗手再係咁加埋一齊嘅味道。。。快餐貨色。。。～ 金奬蝴碟魚其實係普通淡水草魚切雙飛薄片再油炸，第一碟上枱時係深啡色，明顯地炸過咗火，要麻煩待應叫廚房師傅再炸過一碟。。。炸草魚片入口一般，只係得鼓油同密甜味，不要抱太大期望，攞嚟送吓啤酒或白葡萄酒無坊。。。～ 蔥油海蜇頭物如其名，入口真係只有”蔥”+”油”+”海蜇頭”各自各嘅味道，而且重係凍冰冰的。。。建議師傅可以用多啲心思、例如海蜇頭先淹上底味，上枱前再下蔥花同灑上大滾油，利用滾油嘅熱力迫出蔥花嘅蔥油香！唉，浪費哂啲食材。。。～雙椒皮蛋豆腐唉、上檯似足嘔吐物（如圖），說好的”雙椒”呢（我嘅理解紅、青辣椒）！？辣椒油同食材本身各自各。。。唉、唉、唉。。。～ 熗伴藕片犯了同樣的問題，入口凍冰冰，出哂水