亞金南洋茶室 (新都城中心二期) (Closed)

晚餐時間一於搵個位坐低唸住慢慢食慢慢傾。由於好耐冇食東南西嘢所以滿心期待，點知坐低後見到個訂餐二維碼後心知有點不妙感覺直上心頭。。。香茅豬扒配椰漿飯豬扒薄如紙。。。入口滑潺潺 、明顯用咗鬆肉粉奄咗幾日咁，啲肉淡而無味，連最簡單嘅香茅味原全唔知去咗邊，真係失敗中嘅失敗。。。所謂的椰漿飯入口其實只係用椰子水煲飯、淡而無味。。。飯熟出餐時跟住係咁而係啲飯面到整 pat 森巴醬。。。唉。。。靈魂嘅炸魚仔同蝦片重攪笑，屬下格貨又係淡而冇味。。。天呀、其實可以整到咁難食都要花功夫，請問師傅仔點解唔可以努力多小小做好啲？！招牌亞金無骨海南雞配油飯 啲所謂海南雞入口係柴、木同無味。。。最難頂嘅係啲油飯。。。入口只係比室溫熱小小，而且淡而冇味。。。所謂嘅招牌原來只係廣告嚟。。。已經唔想多講了。。。飛天炒通菜 合格、不過不失！綜合嚟講只係一間港式連鎖茶餐廳，出品明顯睇得出啲師傅全部都係hea 住做，食物出品只係比 “大X 樂” 或 “大X 活” 好啲啲，但如果你比個招牌誤導咗期望想搵間東南亞餐廳享用吓的話我只會想講粗口。。。