紅茶冰室 (Closed)

夜晚放工唔知食咩，通常都會揀紅茶。呢間紅茶同地鐵站有啲距離，要行5至10分鐘，但晚市依然好多客，不過勝在地方夠大，通常都唔駛等位，而且入面有好多卡位，坐得都算舒服。每次去一定叫招牌咖喱吉列豬扒同板燒黑椒西冷牛扒，吉列豬扒炸到非常香口，而且肉嫩多汁，唔會鞋烚烚，配埋個咖喱汁真係冇得輸！至於個板燒黑椒西冷牛扒就勝在性價比高，60蚊貨仔有兩大塊薄切牛扒，你都唔會期望塊扒有幾高質素，不過配埋個黑椒汁都算幾好味！另外嘢飲必嗌凍奶茶同檸茶，不過唔駛嘥口水嗌少甜，因為多數唔會少畀你如果想食菠蘿包同蛋撻就要趁早，因為晚市好多時都賣晒。