樂園魚旦專家 (新都城中心三期)

Open Now

Now Closed

今日見中醫，足足等了嗰鐘，餓到肚都扁，決定叫男朋友陪我在附近食飯。男朋友簡簡單單揀咗間粉麵店，環境光猛，乾淨企理，地方寬敞，內裏中式設計，都幾優雅。主打粉麵，亦有幾款飯類、酥炸小食、飲品和一些火鍋配料。我們叫咗兩碗雙拼麵、一碟油菜和兩杯飲品。的確上得快，轉頭就上枱。我要牛筋墨丸雙拼河加紫菜 ($41+$10+$8)，河粉份量多，滑嘟嘟，連一羹腩大啖吃最正！紫菜又滑又香，完全無沙；墨丸非常彈牙，仲食到大大粒嘅墨魚，鮮香！牛筋腍滑，好有膠質，味道香濃，正!　男朋友要牛腩併水餃河（$51 +$10）。鳳城水餃唔算大大隻，但外皮薄滑，包住蝦肉、木耳絲、鮮肉碎，爽口鮮香。牛腩有咬口，唔太肥，有牛香。支裝豆漿（+$8）好抵飲，呢嗰品牌都幾有豆香。熱檸蜜（+$11）內有三片檸檬，酸咪咪加了甜美的蜜糖，滋潤解膩。