日田蕎麥處 (Closed)

週圍都大減價, 今晚就約埋朋友一齊去掃貨!!!Shopping咗一陣, 就去咗填吓個五臟廟... 朋友路過呢間「日田」就比佢吸咗入去... 我都未趕得切同佢講我幾年之前食過麻麻地...見到特選定食幾抵咁, 就Order咗2個...加州卷--冇味...炸餃子--OK...燒雞芥末紫菜飯 配 冷蕎麥麵定食--燒雞味道都OK, 不過唔知D芥末去咗邊... 冷麵醬冇咩味... 麵質還可以...鰻魚飯 配 熱讚岐手打烏冬定食--個2片鰻魚嘅賣相好唔吸引... 朋友話我個燒雞飯好食D... 唔係呀嘛, 我已經覺得食完冇咩幹勁嘅啦喎... 咁呢碗鰻魚飯我真係不敢恭維...食物已經唔算好味, 仲要隔離枱人嘈到拆天, 由頭嘈到落尾, 雖然佢地似係講國語, 但係都聽唔明佢地講咩, 坐佢地隔離真係想插聾自己對耳!!!服務都係一般, 環境唔算擠迫, 雖然價錢唔算貴, 不過應該唔會食第3次...