Video
Read full review
2023-02-09
1763 views
念念不忘必有迴響.再訪大班樓大班樓📍中環威靈頓街198號The Wellington3樓「沿途將一切逆流轉化能量，為了來年安歌拼命無恙，存幻想。」#邊一個發明了Encore #林家謙大班樓自上年九月底由九如坊舊鋪搬遷至現在鋪位，環境更為寬敞貼近私房菜格局，但座位數目據聞比舊鋪更少，之前有幸到訪舊鋪進餐兩次之後便是念念不忘，其招牌名物炭火第一刀叉燒更是令人夢牽魂縈，可惜及後再無機緣到訪。.自榮膺世界五大最佳餐廳頭十名(唯一香港餐廳榜上有名)與及亞洲五大最佳餐廳榜首寶座後再蟬聯米芝連一星餐廳，城中話題熱度風頭一時無兩，一位難求之程度更是有增無減，實至名歸嘅終極預約困難店。.大班樓每2-3個月開放一次午市預約，預約當日分秒必爭，秒速售罄，好比最當紅演唱會售票，下次再會已是事隔數月，而晚市席位更是如非相熟，否則無從入手。預訂後發現用餐當日適逢元宵佳節，二話不說，當然要帶屋企人一窺究竟大班樓嘅絕色佳餚。.餐廳現已轉用電子表格形式落單，於用餐日前需填妥網上餐單，然後根據訂座人數全部以套餐形式供應。❀午市套餐❀ 💲880/1位起➰套餐包括:✥3道頭盤✥3道主菜(預設為2道肉類及1道海鮮)✥1道蔬菜✥
大班樓
📍中環威靈頓街198號The Wellington3樓
「沿途將一切逆流轉化能量，為了來年安歌拼命無恙，存幻想。」
#邊一個發明了Encore #林家謙
大班樓自上年九月底由九如坊舊鋪搬遷至現在鋪位，環境更為寬敞貼近私房菜格局，但座位數目據聞比舊鋪更少，之前有幸到訪舊鋪進餐兩次之後便是念念不忘，其招牌名物炭火第一刀叉燒更是令人夢牽魂縈，可惜及後再無機緣到訪。
.
自榮膺世界五大最佳餐廳頭十名(唯一香港餐廳榜上有名)與及亞洲五大最佳餐廳榜首寶座後再蟬聯米芝連一星餐廳，城中話題熱度風頭一時無兩，一位難求之程度更是有增無減，實至名歸嘅終極預約困難店。.
大班樓每2-3個月開放一次午市預約，預約當日分秒必爭，秒速售罄，好比最當紅演唱會售票，下次再會已是事隔數月，而晚市席位更是如非相熟，否則無從入手。
預訂後發現用餐當日適逢元宵佳節，二話不說，當然要帶屋企人一窺究竟大班樓嘅絕色佳餚。
.
餐廳現已轉用電子表格形式落單，於用餐日前需填妥網上餐單，然後根據訂座人數全部以套餐形式供應。
❀午市套餐❀ 💲880/1位起
➰套餐包括:
✥3道頭盤
✥3道主菜(預設為2道肉類及1道海鮮)
✥1道蔬菜
✥1款飯/麵
✥甜品三味
➿如將套餐內預設2份肉類轉為海鮮每份另加 💲100/1位
➿追加頭盤💲80/1位，追加肉類 💲100/1位，追加海鮮 💲200/1位
✥頭盤
𖥕凍鹵水花椒小吊桶釀土魷 ⭐️4.2/5⭐️
作為第一道開胃醒神菜，凍盤嘅小吊桶釀土魷鹵水膽鹵得非常入味，每啖都食到土魷粒混和花椒粒嘅麻香，鮮麻惹味層次感豐富，將兩種鮮味共冶一爐，為今日嘅美食之旅正式掀起序幕。
凍鹵水花椒小吊桶釀土魷
89 views
1 likes
0 comments
眾所周知大班樓擅長手工菜，依道同金錢雞齊名嘅金錢蟹盒做工繁複，將肥豬肉切成圓形再包裹蟹肉、冬筍、冬菇、瘦肉等剁碎拌成餡料調味，之後再以精準油溫脆炸，繼而成形。
蟹盒上枱金黃酥脆，入口油而不膩，餡料保持嫩滑多汁，看似簡單，但背後每項功夫都係大廚數十年嘅經驗技藝，特別欣賞手工菜嘅職人精神，化腐朽為神奇，讓平凡變得不平凡。
金錢蟹盒
89 views
0 likes
0 comments
熟識我嘅朋友都知道，我去到每一間中菜餐廳都必定會叫叉燒，係芸芸眾多高級中菜食府入面，大班樓嘅炭火第一刀叉燒直令我神魂癲倒，一試便已刻骨銘心繼而朝思暮想，成為本人心目中叉燒排行榜第一位。
今次特意備註餐廳將叉燒燒得更為燶邊香口，叉燒上枱金黃油亮，油脂四溢嘅亮麗色澤已經令人垂涎欲滴食指大動。第一叉入口豐稔滿足，碳燒肉香惹味有嚼頭，彈性十足，不消幾下已經消融於口，下次再會又不知何年何月。😔
炭火第一刀叉燒
75 views
0 likes
0 comments
樟木煙燻黑腳鵝 ⭐️4.8/5⭐️
第一叉毋庸置疑一如既往出色，而依隻樟木煙燻黑腳鵝就係今餐飯最大驚喜，人生從來未食過鵝肉係可以做咁燻香酥脆，由心而發絕無夸口，完全係一個嶄新味蕾體驗嘅歷程碑。
後來翻查資料，大班樓從研發到改良依道黑腳鴨嘅食譜就耗費將近兩年光景，因為牽涉到醃製、塗抹香料、蒸煮、乾燥、煙燻、以及最後淋上熱油等極端繁複的程序都要一絲不苛，為求成果，不惜一費功本，只為客人品嚐到絕色佳餚。
侍應將半隻鴨上枱比我地拍照留念，繼而幫我分成6碟不同部位享用，外表唔算太特別，誰知入口驚為天人，煙燻樟木香氣深入骨髓，皮脆肉嫩不在話下，鵝肉香酥鵝脂豐腴滿溢但油而不膩，味道可謂出神入化驚艷絕倫，思念名單上又再添一道名物。🤩
樟木煙燻黑腳鵝
48 views
0 likes
0 comments
樟木煙燻黑腳鵝
33 views
0 likes
0 comments
大班樓又教曉我何謂返璞歸真，簡單如一碗白粥亦毫不馬虎力求盡善盡美，魚米粥米香濃稠質地綿滑如絲，加上鮮嫩爽甜象拔蚌配合得天依無逢無懈可擊，仲有神來之筆嘅蝦籽蝦油再增添咸香鮮味，完全係一道妙筆生花嘅組合。🥳
魚米粥蝦籽象拔蚌
64 views
0 likes
0 comments
老實講，雖然雞油花雕蒸蟹係大班樓成名之作，但第一次就餐時比我嘅印象係花雕酒味太搶戲份，將蟹肉嘅鮮甜比下去，不過屋企人首次進餐，仍都點咗依個招牌菜。
蟹肉鮮甜自然不在話下，今日花雕扮演嘅角色終於恰如其分，淡淡酒香並唔會過於搶風頭，雞油係自家秘製，再加上另外蒸製蜆汁融合，令整道菜色如擺盤一樣驚艷，色香味俱全，最後屋企人都好滿意恨不得再添陳村粉將蟹汁索盡。😋
雞油花雕蒸蟹配陳村粉
45 views
0 likes
0 comments
雞油花雕蒸蟹配陳村粉
116 views
0 likes
0 comments
𖥕豬油渣櫻花蝦時菜 ⭐️4.2/5⭐️
普通如一碟浸時菜，大班樓都可以玩出唔同花樣，湯頭鮮香順喉，配合豬油渣嘅口感同櫻花蝦咸香，用上本地農場新鮮蔬菜，最後融合佢地嘅心機廚藝，美味二字就係咁樣呈現在心頭。
✥飯/麵
𖥕蝦乾鮮蝦蟹肉炒飯 ⭐️4.2/5⭐️
飯宴差不多嚟到尾聲，除咗炭火第一刀，另一道我朝思暮想念念不忘嘅就係蟹肉糯米飯，但可能時節所限，今次依道我心目中亦係排榜首嘅蟹肉糯米飯與我緣慳一面，希望未來可期。
取而代之，揀咗三蝦炒飯，用上鮮蝦﹑蝦乾及蝦膏，當然炒飯亦乾身粒粒分明，配料份量豐富，配埋鮮甜蟹肉，一啖一鮮味，水準亦係無可挑剔，家人亦非常滿意，只係我試過另一巔峰水準而已。
三蝦炒飯
51 views
0 likes
0 comments
𖥕甜品三味 ⭐️4.1/5⭐️
最後甜品收宮之作分別係杏仁茶、桂花糕及杞子雪糕。杞子雪糕最為深刻，奶味香濃，配搭杞子頗為創新。而杏仁茶亦非常順喉，滿戴而歸。
甜品三味
37 views
0 likes
0 comments
大班樓致力精挑細選不同食材突破傳統粵菜框架，推陳出新精益求精，何曾想過蟹肉配糯米飯竟然可以鮮甜味美到如此境界;一道樟木煙燻鵝肉又竟然驚艷到可以重新為我味蕾劃分一個新味區，化平凡為傳奇，永不自我設限，每一次到訪都總會帶比我一份真正嘅驚艷。
寫食評一刻已期昐下次有機會再訪，更期待下次大班樓會為我帶嚟何等驚喜。🤤
➿➿➿
Post
