新泰東南亞餐廳 (太子集團中心) (Closed)

放工就係肚餓，今晚約朋友出黎尖沙咀再次朝聖我最愛既新泰一貫新泰走高檔泰菜既風格，太子集團中心分店都唔例外，感覺相當luxury 由於太肚餓既關係，我同朋友好快就揀好以下心水菜色椒鹽軟殼蟹大大粒椒鹽配上炸到外脆內軟既軟殼蟹,完美小食馬沙拉咖哩雞 配 印度酥餅重椰香既馬沙拉咖哩雞深得小妹既心，連配菜薯仔三色椒同車厘茄都索哂味印度蘇餅烘到岩岩好金黃色，一d燶咗既黑色都見唔到，抵讚鐵板蠔仔炒蛋蠔仔份量都幾多，一碟都有十幾隻，炒蛋唔會太老，點埋辣醬真係好惹味，而且食唔到腥味越式燒春雞釀香茅黃飯平時葡式燒春雞就食得多，呢款越式版本既飯充滿香茅葉同雞油香味，飯粒焗得粒粒分明，配上啖啖肉既春雞真係好食到停唔到口呢款菜仲包埋泰式沙律🥗，有花生🥜洋蔥🧅豆苗，甜酸汁微辣，清新口感中和左春雞同油飯既油膩，讚必叫飲品：椰青沙冰清甜椰青🥥改造成軟綿綿沙冰，變得更有口感，成大大個椰青都注滿沙冰，二人share 仲開心🥳作為泰菜頭號fans ,新泰由環境、食物、服務都相當高質，難怪分店愈來愈多，小妹誠意推薦比一樣鍾意食泰菜既你