和氣食堂 (黃大仙中心南館)

Open Now

Now Closed

我人生最愛就係食日本野，之前係沙田食過和氣食堂一直念念不忘，今次拉埋係九龍灣番工既朋友黎到黃大仙分店再encore，食物水準依舊 真係平價兼好食平時好驚食熱氣野所以唔敢叫炸野，但今次店員極力推薦呢個電擊雞翼，個名咁得意就儘管試一試 ；結果非常驚喜，事關蜜糖味好入味，好似韓國炸雞，不過感覺冇咁熱氣，可以放心食多隻 壽司都相當唔錯，食得出原材料好新鮮，特別係帆立貝，我同朋友食完都念念不忘；另外海膽拖羅蝦戀都好正，必試 ！成餐飯又點可以冇菜呢，我地點左另一個店員話受歡迎既牛扒他他沙律，咁就夠哂健康啦千回火鳥3隻，唔係話唔好食不過比起其他野就冇咁出色另一驚喜之作，朋友一向中意食魚，今次叫左鯛魚湯泡飯($108) 店員會慢慢將湯倒落去鯛魚度，夠哂熱辣辣，而鮮甜魚湯送飯真係食多兩碗都冇問題 之不過我地最最最期待既一定係舖頭招牌甜品宇治抹茶芭菲（$72），因為之前睇其他人食評時已經覺得好好食咁！結果。。。比想像中仲要高水準，其實蕨餅，綠茶雪糕加脆粒呢個組合好完美冇得輸，而且插係旁邊既蛋捲竟然係芝士味，雪糕本身奶味好重，所以唔會太苦  要左咁多高質日本野埋單都唔使五百，絕對可以再encore！