Video
Read full review
2020-11-16
59 views
諾士佛臺酒吧餐廳 Oasis Bar & Grill餐廳環境寬敞 比想像中寧靜 裝潢特別 一邊燈光昏暗 相當有情調 一邊以白色為主調 較為光猛 仲有個「鳥籠」打卡位▪️香煎法式鵝肝伴焦糖蘋果 $168香煎鵝肝外脆內軟帶焦 帶油脂香 沾上帶酸味既醬汁 再配埋旁邊香甜嘅焦糖蘋果 剛好中和左鵝肝嘅油膩旁邊仲有塊非常香脆既多士▪️法式油浸鴨腿伴法式忌廉焗薯 南瓜蓉 紅桑子醬 $198鴨腿皮薄香脆帶油脂香 肉質尚算嫩滑 略嫌調味偏淡 南瓜蓉香甜 紅桑子醬微酸 可以一解鴨腿既油膩感特別鍾意鴨腿底下嘅忌廉焗薯 千層薯仔面頭灑有芝士 帶芝士既鹹香之餘 亦充滿牛油香▪️西班牙油炸鬼配朱古力醬及雲呢拿雪糕 $88Churro即叫即炸熱辣辣 由外至內都非常香脆 屬於比較硬脆個種 脆得黎又唔會好乾 油膩感一啲都唔高點埋朱古力醬同雪糕真係超邪惡 仲啲冷熱交融既感覺！帶返個頭盔先 其實我冇乜食過churro 但係我真心幾鍾意呢款▪️The Oasis $148雀仔造型超可愛！漸層效果打卡一流！一入口就飲到香甜既荔枝味 vodka味道突出 但酒精感唔會太重 甜度高容易接受 幾適合女仔飲⠀整體而
餐廳環境寬敞 比想像中寧靜 裝潢特別 一邊燈光昏暗 相當有情調 一邊以白色為主調 較為光猛 仲有個「鳥籠」打卡位
▪️香煎法式鵝肝伴焦糖蘋果 $168
香煎鵝肝外脆內軟帶焦 帶油脂香 沾上帶酸味既醬汁 再配埋旁邊香甜嘅焦糖蘋果 剛好中和左鵝肝嘅油膩
旁邊仲有塊非常香脆既多士
▪️法式油浸鴨腿伴法式忌廉焗薯 南瓜蓉 紅桑子醬 $198
鴨腿皮薄香脆帶油脂香 肉質尚算嫩滑 略嫌調味偏淡 南瓜蓉香甜 紅桑子醬微酸 可以一解鴨腿既油膩感
特別鍾意鴨腿底下嘅忌廉焗薯 千層薯仔面頭灑有芝士 帶芝士既鹹香之餘 亦充滿牛油香
▪️西班牙油炸鬼配朱古力醬及雲呢拿雪糕 $88
Churro即叫即炸熱辣辣 由外至內都非常香脆 屬於比較硬脆個種 脆得黎又唔會好乾 油膩感一啲都唔高
點埋朱古力醬同雪糕真係超邪惡 仲啲冷熱交融既感覺！
帶返個頭盔先 其實我冇乜食過churro 但係我真心幾鍾意呢款
▪️The Oasis $148
雀仔造型超可愛！漸層效果打卡一流！一入口就飲到香甜既荔枝味 vodka味道突出 但酒精感唔會太重 甜度高容易接受 幾適合女仔飲
⠀
整體而言 酒吧菜式比想像中岀色 特別推薦西班牙油炸鬼 環境舒適 想同朋友飲返兩杯 又想靜靜地傾吓計 都係一個唔錯嘅選擇
Post
