宏 (Moved) New Location

由於吃甜品是女孩子的專利，而一餐豐富嘅晚餐必需有美味嘅甜品，所以是日晚餐一切由我決定！聽聞「宏」依家多咗正餐選擇，所以可以我有我食甜品，阿男士自己鍾意食乜就食乜啦。急不及待叫個皇牌套餐，$99 有一個麵、斯里蘭卡紅茶、（同埋最緊要嘅）綠茶卷卷。個麵幾好味，有隻溫泉蛋，而且麵質唔油膩，仲有少少紫蘇葉香味。不過冇肉，大食者未必夠飽。紅茶就聞落好香，飲落就啖口味，夜晚飲都ok，唔使驚瞓唔著。到我最期待嘅綠茶卷卷，真係水準之作，軟綿綿嘅蛋糕，加埋新鮮綠茶cream! 而且大大件，又唔漏，好滿足！而阿男士豪食咗個鰻魚飯，佢話食得出係日本饅魚，好似去咗日本，好surprise喺香港食到！