囍源古早蛋糕 (Closed)

放假同朋友去深水埗食完野👩🏽‍🤝‍👩🏼，經過小巷見到呢間囍源古早蛋糕 。媽咪好鐘意食古早蛋糕，呢間鋪有好多款口味🤩多達六十幾款，例如有雷沙黑芝麻、紫薯、榴槤、陳皮紅豆蓉等...睇到我花多眼亂，最後揀左港式口味🤔奶皇同埋芋泥。古早蛋糕主要材料係雞蛋🥚，未食已經聞到蛋香。食一小口，口腔亦持續陣陣蛋味。蛋糕低溫烘焙，光澤濕潤，口感鬆軟綿密，低糖小油，食多左都唔怕😹。奶皇同平時食奶皇包餡一樣，陣陣奶香。芋泥餡料用左泰國芋泥打蓉而成，口感綿滑。我覺得可以再多啲餡，芋泥香味同口感會更突出。當晚食唔哂，放左落雪櫃第2日早餐，凍食口感似莎莉蛋糕😬童年回憶！下次再試其他味先💗