Banabana (Closed)

熱辣辣的夏天，喺街上行一陣，就想飲嘢，但又想健康啲，又唔好淡而無味，點算好？？一於去試吓Banabana喇，28蚊杯，自選配搭三款水果、疏茶或益力多，夠晒綽頭試吓無妨。控制台上的各種材料，要唔要，由你話事。你點完order後，仲有營養標籤俾你參考，少少功夫，換來大家的LIKE。用控制台上的火箭收納你所選的三種材料，再去俾錢。好彩今日人少少，等十分鐘左右，你的傑作就誕生喇！！雪梨苦瓜，台灣試得多，今次就試苦瓜、哈密瓜加菠蘿。結果苦瓜的苦味贏了一條街，只可隱約嚐到一點的哈密瓜的甜，原來打算配菠蘿的酸去調和一下，點之店主的菠蘿是甜的，下次要再試吓其他配方。最令你驚喜的是除了冰外，沒有加太多的水，所以飲的過程，你會食到啲果肉。我的傑作的營養標籤，應該算係飲得健康。