SUBWAY

Open Now

Now Closed

嗰日都係想照舊食個新鮮嘅包，就去subway買。通常我都係五個精選揀一個，貪佢夠平。可能朝早做嘢有啲趕，搞到特別餓，覺得要對自己好啲，所以就叫咗呢期新款嘅黑胡椒厚切牛扒潛艇堡。作為立食外賣店，價錢係頂級，包一罐檸檬茶。牛肉嫩口一絲絲，黑椒汁唔辣但偏咸，唔需要期望食到牛肉真味。蔬菜新鮮，全部自選，加埋芝士有飽感。以為呢個牌子嘅檸檬茶會健康啲，點知一飲又係甜到癡線，無飲完。對於今日嘅情況嚟講揀食呢個係滿足嘅，但平時應該唔會食啦。