Video
Read full review
2022-10-09
4590 views
應該都好耐好耐無食過團餐喇，唔好話有無疫情，本身都鍾意自由行，極少跟團，就算呢一、兩年玩吓本地團，揀嘅都喺食自助餐或者兩人、四人一枱嘅西式餐套。今次跟咗個本地團遊吓港島呢邊啲特別地方，最後，就嚟到灣仔嘅「生記」食晏。 位處商廈嘅「生記」，佔兩層單位，一般茶客就會晌下層，我哋呢啲團體客，就安排晌上層，環境格局如啲舊式酒樓，無咩奢華裝修，樸樸實實，員工都喺上年紀嘅多，頗有老店嘅感覺。 雖然店家未摘星，不過，都喺多年嘅米芝蓮推介餐廳，所以，佢哋都專登放晒出嚟。之但喺，我個人搵食就從來都甚少睇「星」，都喺隨意咁啦。 講番個團餐，因為都無標明咩團體名，相信凡喺上嚟食團餐都喺呢個「懷舊粵菜體驗套餐」，有湯、有小炒、有炒麵及甜品。 子薑溏心皮蛋「生記」有好幾樣名物，差唔多嚟嘅客都會嗌，前菜嘅子薑皮蛋喺其一。粉紅嘅子薑醃得酸爽唔嗆喉，而皮蛋嘅溏心做得細膩，開開胃！ 金沙脆魚皮邪惡嘅金沙脆魚皮又喺另一名物，睇佢炸得金黃，外層沾滿鹹蛋黃，口感沙沙，味道鹹香，膽固醇萬歲；而魚皮本身炸得香脆不膩，咬落咯咯聲，更唔會有咩油「益」味。招牌黃老太靚湯即喺咩？其實喺肉排煲老黃瓜，因為已由侍應分碗上，所以，嚟到已經喺
位處商廈嘅「生記」，佔兩層單位，一般茶客就會晌下層，我哋呢啲團體客，就安排晌上層，環境格局如啲舊式酒樓，無咩奢華裝修，樸樸實實，員工都喺上年紀嘅多，頗有老店嘅感覺。
雖然店家未摘星，不過，都喺多年嘅米芝蓮推介餐廳，所以，佢哋都專登放晒出嚟。之但喺，我個人搵食就從來都甚少睇「星」，都喺隨意咁啦。
講番個團餐，因為都無標明咩團體名，相信凡喺上嚟食團餐都喺呢個「懷舊粵菜體驗套餐」，有湯、有小炒、有炒麵及甜品。
子薑溏心皮蛋「生記」有好幾樣名物，差唔多嚟嘅客都會嗌，前菜嘅子薑皮蛋喺其一。粉紅嘅子薑醃得酸爽唔嗆喉，而皮蛋嘅溏心做得細膩，開開胃！
金沙脆魚皮邪惡嘅金沙脆魚皮又喺另一名物，睇佢炸得金黃，外層沾滿鹹蛋黃，口感沙沙，味道鹹香，膽固醇萬歲；而魚皮本身炸得香脆不膩，咬落咯咯聲，更唔會有咩油「益」味。
招牌黃老太靚湯即喺咩？其實喺肉排煲老黃瓜，因為已由侍應分碗上，所以，嚟到已經喺清湯一碗，特別就無咩特別，但感覺就幾老火，濃而不濁。
菠蘿生炒骨無論生炒骨，還是咕咕肉，都喺粵菜經典，碟頭飯嘅常客，平常不過。但呢碟生炒骨做得確喺有質素，啲甜酸醬酸香細膩，又唔嗆喉，醒胃非常，而且，啲排骨肉質鬆化，外層仲仍有脆口感，掛滿汁得嚟食到尾唔會有多餘嘅醬汁剩低。
家傳手刴香煎蓮藕餅雖然話蓮藕餅好住家，但依啲啲人都唔多晌屋企整，功夫少少多，嫌麻煩囉。蓮藕餅煎得金黃均勻，先咬一口喺脆脆嘅口感，再落嚟喺鬆化嘅豬肉跟少少爽口嘅蓮藕微粒交錯，好似仲帶有微微芫荽香，真有一手。
豉油皇銀芽炒麵個團餐本身都包白飯任裝，不過，單尾都加多碟炒麵。食到呢度，雖無話有咩驚喜，但都顯示出師傅功夫紮實，炒麵炒得均勻，帶少少爽身，唔會好油，當然，銀芽再多啲就更爽口。
懷舊白糖糕香雪雪嘅白糖糕，都真喺好耐無乜點食過，相信依家都好少鋪頭仲有整，後生一輩可能更加唔知喺乜。入口糕身好鬆軟，帶微微黏糯感，少甜。
今次嘅團餐喺賣懷舊，其實，賣傳統粵菜嘅餐廳真喺賣少見少，執一間，就少一間，老實講，今餐就無驚喜，但同枱嘅人年紀都有番咁上下，所以，對啲懷舊菜式食起嚟多份感覺。
Post
