Video
Read full review
2024-05-26
7611 views
🩷六安居❤️懷舊老字號港式茶樓，位於上環嘅六安居，即係之前嘅蓮香居，而家改咗名㗎啦，所以絕對唔會撈亂😆，淨係記得細細個嘅時候每逢同屋企人去飲茶都係自己出去攞嘢食，啲姐姐講緊唔鹹唔淡嘅廣東話，推住車仔，一路行一路叫住有啲咩點心食，除咗同屋企人聚餐之外，旁邊就總會聽見熟悉嘅點心名，而家冇咗呢支歌仔唱囉，幾乎全部都係寫紙仔，舉極手都冇人應，完全係兩碼子既事，不過嚟到六安居又有返舊時回憶😌，依家香港真係買少見少，好好珍惜係香港仲有嘅舊式餐廳🙌🏻🙌🏻呢度嘅點心都係分咗小，中，大，特點同埋頂點嘅價錢由$23至$37不等，一盅兩件絕對係港人嘅摯愛😋，好似懷舊嘅點心，麻蓉包，豬潤燒賣，雞包仔等都係舊式茶樓先有，而呢度嘅必食推介係叉燒菠蘿油🍍，一份三件，新鮮滾熱辣，食落仲係熱辣辣，外脆內軟嘅菠蘿皮包住裏面豐富嘅叉燒餡，相當惹味，又足料，鹹甜交集，味道又夾喎，推介推介🙌🏻🙌🏻🐔菇粒雞包仔 :一籠有三件，蒸到軟熟，餡料都豐富，由雞肉同菇粒為餡料，食落帶有懷舊風味，外型似叉燒包，實質係雞包仔👍🏻👍🏻💛乾蒸燒賣 :呢款燒賣係我比較鍾意食嘅一款傳統燒賣,裏面由豬肉餡料同冬菇釀製而成,出邊食開嘅只係肥豬肉，但係呢度嘅
呢度嘅點心都係分咗小，中，大，特點同埋頂點嘅價錢由$23至$37不等，一盅兩件絕對係港人嘅摯愛😋，好似懷舊嘅點心，麻蓉包，豬潤燒賣，雞包仔等都係舊式茶樓先有，而呢度嘅必食推介係叉燒菠蘿油🍍，一份三件，新鮮滾熱辣，食落仲係熱辣辣，外脆內軟嘅菠蘿皮包住裏面豐富嘅叉燒餡，相當惹味，又足料，鹹甜交集，味道又夾喎，推介推介🙌🏻🙌🏻
🐔菇粒雞包仔 :一籠有三件，蒸到軟熟，餡料都豐富，由雞肉同菇粒為餡料，食落帶有懷舊風味，外型似叉燒包，實質係雞包仔👍🏻👍🏻
💛乾蒸燒賣 :呢款燒賣係我比較鍾意食嘅一款傳統燒賣,裏面由豬肉餡料同冬菇釀製而成,出邊食開嘅只係肥豬肉，但係呢度嘅加多咗冬菇，係比較舊式嘅製法，所以食落特別香，惹味😋😋
🥟鹹水角 :好鍾意佢哋炸物嘅車仔,係一個透明嘅趟門玻璃櫃,裏面放住一碟碟香脆酥軟嘅小食😍，就好似呢份鹹水角咁，佢係傳統嘅形狀款式，裏面嘅餡料較香濃，炸到外酥內軟，油份唔多，食落香脆滋味🤤🤤
💛香煎蘿蔔糕 :之後到呢一份即叫即煎制嘅蘿蔔糕,將佢微微煎香，帶點焦黃色🤤,食落一啖啖蘿蔔絲，當然臘肉都相當出眾啦👍🏻
🦐鮮蝦腸粉 :之後到腸份類,其實都有幾多選擇,除咗有鮮蝦，叉燒同埋牛肉之外，仲有佢哋嘅齋腸,仲要多醬😍，不過今次就叫咗鮮蝦腸粉嚟試，蝦肉相當爽口，另外腸粉唔會好厚皮，食落唔錯😋
🥟蝦餃 :最後就係傳統點心之一蝦餃啦，蝦餃嘅外皮晶瑩剔透，見到裏面嘅蝦肉，另外釀咗豬肉餡料，雖然比一般出邊嘅細粒，但係一啖一件，裏面嘅餡料都夠多，可以encore👍🏻👍🏻
Post
