舊機場車仔麵

Open Now

Now Closed

最近睇左電影《九龍城寨之圍城》，咁啱今日出到啟德用餐就遇到呢間叫做舊機場車仔麵嘅餐廳。無論係餐廳壁畫或頭上嘅飛機裝飾，都好似電影場景咁，重遊歷史一樣。近年車仔麵檔似乎越來越少見，難得啟德新區都有呢類選擇。餐牌選擇唔少，上至龍蝦鮮魚，下至傳統嘅豬皮腸肚，任君選擇。今次揀左口水雞河粉，三餸麵，加上小食豬皮拼大腸。另外飲品係懷舊嘅樽裝可樂/忌廉。口水雞份量足，醬料調味唔錯，夠香辣，加上嫩滑雞肉，唔錯三餸麵餐，麵底揀咗粗麵，湯底辣度有得揀，今次揀咗bb辣，三餸則揀咗五香牛肚、柱侯牛腩同豬軟骨。食肉獸對呢三味餸都頗滿意，調味夠入味。豬皮拼大腸份量比想像多，質素唔錯，豬皮飽滿，滿滿嘅膠原蛋白，口感爽彈；大腸都好惹味。如果嚟到啟德，想試下車仔麵，都係一個唔錯嘅選擇。