同撈同煲 (堅拿道西)

Open Now

Now Closed

愛打邊爐嘅我今日去位於銅鑼灣（堅拿道西）嘅「九龍城同撈同煲」懷舊火鍋店，餐廳以70,80年代裝飾佈置，伴隨着播放懷舊金曲，真係好有氣氛！餐廳提供多款湯底、火鍋配料同雞煲！醬料及茶芥每位$18火焰醉雞煲$178雞份量有半隻，配搭芫荽、青椒，我哋重加左豆卜（$38/份）同支竹（$38/份），濃郁醬汁配小辣，店員把酒加入雞煲後點火，霎時間熊熊火焰升起，打造充滿視覺同味覺驚喜的味蕾體驗，再轉小火煨煮，產生的酒香及醬香全都濃縮在湯頭裡，雞肉嫩滑，支竹同豆卜吸晒醬汁好惹味！食完雞煲開始加湯打邊爐🍲安格斯牛肉（小）$198 油脂雪花分布均勻，有肉香味！鱔片$108 新鮮冇腥味，但沒有爽脆口感！半份芝士蝦丸$68 半份有四粒，應該係手打，有別於普通蝦丸，這次釀入芝士，爽口彈牙！ 當我哋埋單時原來有免費甜品送😋 啫喱～港色花奶啫喱再加把小紙傘，絕對係香港人童年的回憶！糖不甩～是用糯米糰做成鯉魚形狀，店員會幫手用火鍋湯底整熱，然之後剪開再撈上有糖花生碎，好味又煙韌，真係不一樣Q彈甜糯的經典懷舊小食！