Video
Read full review
2019-05-30
410 views
是日又黎到大埔做野，收工肚仔餓，覓食中行到呢間位於街角嘅拉麵店，見到座無虛席，應該唔伏，就同同事試一試。等左兩個字左右有客人走左我地就入座啦～店舖裝修都好日式，位置唔算多但係座位闊落。佢一路播住啲日文歌原來係用黑膠唱片機播㗎！即刻懷舊十倍！餐牌總共有三款拉麵，但其實店舖兩邊牆上都有一啲季節限定嘅拉麵，我通常試新嘅拉麵店都會食佢嘅傳統拉麵，姐係豚骨原味拉麵，因為食原味先知佢哋嘅功架嘛～除左拉面，仲有好多唔同小食。拉麵到～由於我走咗蔥所以望落去色水爭咁啲，不過俾果半隻溫泉蛋搭救左！一黎梗係飲啖湯先啦～湯嘅味道唔會好鹹，有濃濃嘅豬骨味，應該係功夫湯黎。個豚肉係燒到啱啱好，有少少碳燒味同埋佢個皮係煙煙韌韌㗎，肥瘦均勻肉味濃。溫泉蛋鹹香鹹香咁，好味！我哋另外嗌咗個厚燒芝士玉子，個玉子好厚身同埋外脆內軟，值得一試。不過記得趁熱食~值得一講嘅係侍應服務態度好好，成日都會主動幫手斟水，我哋食到一半嘅時候佢仲主動拎左一個佢哋自己炒嘅辣芽菜俾我哋試，又幾好味喎！不過有少少辣，唔食得辣嘅朋友仔就試少少好啦～總括黎講，呢間拉麵嘅質素唔錯，下次可以再試下其他季節限定拉麵。P.S. 即場打卡會有九折優惠，我見個個
等左兩個字左右有客人走左我地就入座啦～店舖裝修都好日式，位置唔算多但係座位闊落。佢一路播住啲日文歌原來係用黑膠唱片機播㗎！即刻懷舊十倍！
餐牌總共有三款拉麵，但其實店舖兩邊牆上都有一啲季節限定嘅拉麵，我通常試新嘅拉麵店都會食佢嘅傳統拉麵，姐係豚骨原味拉麵，因為食原味先知佢哋嘅功架嘛～
除左拉面，仲有好多唔同小食。
拉麵到～由於我走咗蔥所以望落去色水爭咁啲，不過俾果半隻溫泉蛋搭救左！
豚骨原味拉麵
$75
16 views
0 likes
0 comments
一黎梗係飲啖湯先啦～湯嘅味道唔會好鹹，有濃濃嘅豬骨味，應該係功夫湯黎。個豚肉係燒到啱啱好，有少少碳燒味同埋佢個皮係煙煙韌韌㗎，肥瘦均勻肉味濃。溫泉蛋鹹香鹹香咁，好味！
我哋另外嗌咗個厚燒芝士玉子，個玉子好厚身同埋外脆內軟，值得一試。不過記得趁熱食~
厚燒芝士玉子
$28
50 views
0 likes
0 comments
總括黎講，呢間拉麵嘅質素唔錯，下次可以再試下其他季節限定拉麵。P.S. 即場打卡會有九折優惠，我見個個都會做，所以我地都..無謂同錢作對呀嘛～
Post
