Video
Read full review
2023-06-14
720 views
老友從外國回來想食懷舊地道菜，朋友介紹有一間真係幾地道又有懷舊又可以食到不太貴嘅粵菜式。👍玩咗一日尖咀遊，"龍圖閣海鮮飯店"又近尖沙咀，便去試下，電梯上一層便到，環境真係好懷舊，有屏風圍住就算講嘢大聲啲都唔怕影響格離。侍應生好有禮貌，開返兩壺熱茶先。其實我都想念兒時大排檔的味道，有啲地方真係未必食得到，每道菜侍應生都必介紹，而且每一道菜都係熱辣辣。👍👍流沙魚皮~呢個一放桌上面，香到不得了，感受到魚皮嘅香再加鹹蛋黃嘅濃烈味道，入口脆卜卜 好香口好食呀~推介👍粉絲牛肉煲~呢個一定必試，牛肉好滑，肉汁味濃，再加粉絲又有金菇真是絕配。👍推介黃金蒜香雞 (半隻)~蒜香味好香，雞肉肥厚好滑好大碟，就算半隻都好大碟。懷舊炒雜菜~炒雜菜好豐富，雜菜選用有幾款，有菜心/生菜/西蘭花/小棠菜等等配特製嘅麵醬好爽口呢～百花馬友鹹魚蝦膠煎肉餅~呢個睇得出師傅好有手工，蝦膠爽彈肉餅又香脆，再結合埋鹹魚嘅鹹鮮真係好有層次，配白飯一流。👍豉油王炒麵~侍應生話呢個要即刻親熱食，因為是啱啱炒出嚟，豉油王配麵條條麵好爽口又唔淋， 仲有好香嘅油香味有蔥條牙菜和白芝麻，再配埋辣椒醬真係好正。推介👍今晚六道菜都好豐富，每一道菜
玩咗一日尖咀遊，"龍圖閣海鮮飯店"又近尖沙咀，便去試下，電梯上一層便到，環境真係好懷舊，有屏風圍住就算講嘢大聲啲都唔怕影響格離。侍應生好有禮貌，開返兩壺熱茶先。
其實我都想念兒時大排檔的味道，有啲地方真係未必食得到，每道菜侍應生都必介紹，而且每一道菜都係熱辣辣。👍👍
流沙魚皮~
呢個一放桌上面，香到不得了，感受到魚皮嘅香再加鹹蛋黃嘅濃烈味道，入口脆卜卜 好香口好食呀~推介👍
粉絲牛肉煲~
呢個一定必試，牛肉好滑，肉汁味濃，再加粉絲又有金菇真是絕配。👍推介
黃金蒜香雞 (半隻)~
蒜香味好香，雞肉肥厚好滑好大碟，就算半隻都好大碟。
懷舊炒雜菜~
炒雜菜好豐富，雜菜選用有幾款，有菜心/生菜/西蘭花/小棠菜等等配特製嘅麵醬好爽口呢～
百花馬友鹹魚蝦膠煎肉餅~
呢個睇得出師傅好有手工，蝦膠爽彈肉餅又香脆，再結合埋鹹魚嘅鹹鮮真係好有層次，配白飯一流。👍
豉油王炒麵~
侍應生話呢個要即刻親熱食，因為是啱啱炒出嚟，豉油王配麵條條麵好爽口又唔淋， 仲有好香嘅油香味有蔥條牙菜和白芝麻，再配埋辣椒醬真係好正。推介👍
今晚六道菜都好豐富，每一道菜感受到師父用心做，侍應生又熱情招待，而且每上一道菜都特別介紹，每度餸菜都熱辣辣。
我哋四個人食得好飽好滿足啊！最緊要老友享受到正宗嘅港式粵菜。
懷緬下過去大家都食得好開心。😊
Post
