卓記粥店 (Closed)

次次嚟西環經過長卓記粥店都好想試吓但係同朋友一齊經過又費事叫佢哋陪我食粥，今日難得自己一個食，終於可以試吓馳名西環嘅卓記一個女仔食食唔到好多嘢，叫咗一碟叉燒腸粉同埋皮蛋瘦肉粥<叉燒腸$17>叉燒腸即叫即整，好新鮮呢雖然要等五至十分鐘，但係見到條腸粉即刻整出嚟，值回票價叉燒分量唔算好多，但係腸粉滑脫脫幾好食<皮蛋瘦肉粥$19>皮蛋瘦肉粥$20有找，非常之大碗女仔其實淨食粥都夠飽皮蛋大概有半粒，瘦肉嘅份量都非常之多，粥底煮得好綿，好食得來又抵食