Video
Read full review
2008-06-11
43 views
一間心儀已久但又遲遲未去嘅食店, 點解? 全因為師傅覺得呢間食店嘅食物同份量未必能夠頂肚, 所以次次都打消呢個念頭; 遇啱今日冇咁肚餓, 喺需求冇咁大嘅情況下, 終於黎左呢間食店!一如所料係典型舊式茶餐廳格局, 就連卡位都冇張, 以圓枱為主; 入到去求其搵個位坐底, 坦白講招呼欠奉, 不過呢樣野都係舊式茶餐廳嘅特色之一, 既然黎得就預左係咁; 睇下個餐牌有咩好野食先, 呢間食店主打係三文治, 多士為主; 正當師傅以為要以三文治為午餐時, 見到餐牌有公仔麵, 米粉等, 咁師傅最後要左碗五香肉丁餐肉麵同一杯熱奶茶!轉眼間, 碗五香肉丁餐肉麵同熱奶茶已經擺左喺師傅面前! 坦香講賣相幾靚, 比師傅想像中好, 先講下碗五香肉丁餐肉麵, 湯底清清地, 冇味精幾好味, 而五香肉丁就唔知點解好靚, 又腍又入味, 一d都唔硬, 好明顯唔係就咁開個罐頭倒落去, 好正呀; 餐肉有兩片, 不厚不薄, 一咬入口鬆軟無比, 真係唔知點解咁好味, 而公仔麵少少煙韌, 但又唔會更, 又唔會煮到腍晒, 睇得出個廚好比心機煮, 正呀; 而熱奶茶好香茶味, 加上好滑身, 幾好味呀!總括黎講食物質素令人滿意, 環境都叫清潔乾
一如所料係典型舊式茶餐廳格局, 就連卡位都冇張, 以圓枱為主; 入到去求其搵個位坐底, 坦白講招呼欠奉, 不過呢樣野都係舊式茶餐廳嘅特色之一, 既然黎得就預左係咁; 睇下個餐牌有咩好野食先, 呢間食店主打係三文治, 多士為主; 正當師傅以為要以三文治為午餐時, 見到餐牌有公仔麵, 米粉等, 咁師傅最後要左碗五香肉丁餐肉麵同一杯熱奶茶!
轉眼間, 碗五香肉丁餐肉麵同熱奶茶已經擺左喺師傅面前! 坦香講賣相幾靚, 比師傅想像中好, 先講下碗五香肉丁餐肉麵, 湯底清清地, 冇味精幾好味, 而五香肉丁就唔知點解好靚, 又腍又入味, 一d都唔硬, 好明顯唔係就咁開個罐頭倒落去, 好正呀; 餐肉有兩片, 不厚不薄, 一咬入口鬆軟無比, 真係唔知點解咁好味, 而公仔麵少少煙韌, 但又唔會更, 又唔會煮到腍晒, 睇得出個廚好比心機煮, 正呀; 而熱奶茶好香茶味, 加上好滑身, 幾好味呀!
總括黎講食物質素令人滿意, 環境都叫清潔乾淨, 價錢唔算貴, 十四蚊一碗麵, 九蚊一杯熱奶茶, 都算抵食; 師傅覺得今餐雖然全部都係罐頭食品, 但依然煮得出色, 淨係個五香肉丁已經值回票價! 今時今日呢類懷舊茶餐廳已經所剩無幾, 師傅覺得市建局, 香港歷史博物館等應該要好好保護佢, 唔好再讓成皇后碼頭事件; 師傅下次一定會黎, 而笑臉絕對值得比!
Post
