龍鳳呈祥火鍋雞煲

Open Now

Now Closed

係香港國際繁華都會尋找懷舊嘅味道，揀咗一間充滿八十年代香港風情嘅火鍋店，行入火鍋店就比龍鳳佈置吸引到，另外仲有懷舊雪櫃、留聲機、古舊鐵閘等裝飾，彷彿時光倒流，回到了那個簡單而又純粹嘅年代。招牌無骨鳳翼釀雞煲(細）將雞翼巧妙地去骨，釀入細膩滑潤嘅墨魚滑，雞翼肉質鮮嫩，咬落口仲有墨魚滑獨有微妙彈性，今次要咗中辣，麻辣味配合無骨鳳翼非常惹味。龍鳳呈祥牛肉拼盤(細）入面有齊牛舌片、手切牛肉、牛胸油、牛柏葉、牛肉粒、雪花肥牛，牛舌片有嚼勁，手切牛肉質地細膩，肉質鮮美可口，咀嚼時肉汁四溢，牛胸油口感索脆，牛柏葉爽口，吸收哂麻辣汁好惹味，牛肉粒柔軟，雪花肥牛脂肪如雪花般分怖，肉質滑嫩。即制回味五香肉丁餃創新嘅配搭，五香肉丁嘅香料與豬肉相互映襯，口感獨特。龍鳳呈祥手打鮮蝦丸咬落去Q彈，每一啖都有鮮味嘅蝦肉味，帶來濃郁嘅滋味和持久回味。豐盛雜菜拼盤一次過試齊多款蔬菜，有金菇、油麥菜、生菜、黃芽白、蕃茄、白蘿蔔等等，蔬菜清脆爽口，最特別係將白蘿蔔切成心形。自家製陳年鹹檸七香港地道飲品，，既有檸檬嘅酸甜和柑橘香，又有海鹽嘅鹹鮮味，風味獨特。