香江茶餐廳

Open Now

Now Closed

一班同事放lunch , 我們㨂左柴灣漁灣村一間老字號的懷舊茶餐廳～香江茶餐廳。入到去真係好懷舊，好在早去到，仲搵到位。我們三人也一齊叫焗豬扒飯$41，大大碟，豬扒切開細細件，容易入口，唔駛切，因為一般的焗豬扒飯，太大快，又要切，切的時候又會推曬D飯出碟外，非常難搞，不過如果可以再熱D就更加好。午餐配埋例湯，例湯大大碗，仲有好多湯渣，非常入味。我同事果杯凍奶茶，冰不會太多，味道啱啱好，另外熱菜蜜也不會太甜，唔駛加錢，非常抵。另一位女同事叫左一碟「男人的浪漫」～豆腐火腩飯$45，大大碟，賣相一流，味道也不錯。