香江茶餐廳

Open Now

Now Closed

咁岩同朋友去開翠灣商場附近，見商場果頭冇咩野食，就行去伊斯蘭脫維善紀念中學果邊見到有間屋村茶記，因為lunch 時間唔多,所以就抱住零期望隨便搵間食入面環境係冇咩特別裝修，有一種舊式茶記既感覺，住公屋大既肥妹我，反而有種家既感覺每次食茶餐廳，總會想食炒粉麵飯1️⃣枝竹排骨炒河$45🌟一上枱，有驚喜❗️滿滿既排骨同枝竹完全淹蓋左河粉味道濃而不咸，河粉配上炸枝竹雖然邪惡但滿足感十足超大碟，一個女仔KO哂成碟有難度2️⃣香茜牛崧炆米$45同朋友一齊share , 我本身唔食芽菜睇得出炒得好好，芽菜均勻分布成碟😵‍💫配料十足，有齊芫茜蔥韮菜韮黃芽菜如果芫茜更多就更好牛崧唔嚡分量多我本身鍾意食炆米，加上佢冇炒河咁滯，我鍾意呢碟多d 🤭🧋凍奶茶茶味濃，唔會太重奶，剛剛好💯想讚一讚我見每枱顧客離開後，員工會用消毒噴噴，噴座位既枱面同環境，抵讚✅

今日天陰陰想落雨，但係諗黎諗去都唔知食咩好，見到一間好古式古香既茶餐廳，於是就入去試試啦今日快餐揀咗咖哩牛腩飯，咖喱汁好香，牛腩好腍，薯仔好搞笑係用脆炸薯條代替🤣

今日來到了漁灣邨附近，附近有熟食中心，裹面也有不少食店，不過那邊空氣流通一般，最後便選擇了香江茶餐廳。叫了一份肉絲炒麵和熱奶茶。等了5分鐘左右便上菜，肉絲炒麵大碟，絕對能讓饑餓的肚皮獲得滿足。面炸得很脆，有不少豆芽，肉絲調味也很不錯。49蚊一碟，質素不比貴價連鎖茶餐廳如x華差，即使不是當日常餐也性價比高。熱奶茶茶味出，是好喝的奶茶。姐姐服務亦熱心，值得一讚。聽聞這裹的乾炒牛河也不錯吃，有機會會再來試一試。

傳統經典茶記，傳統阿叔阿姨招呼你，仲係傳統一齊講吓馬仔嘅氣氛，超級港式。誇張d講，住柴灣嘅人，應該無一個人未食過呢間香江茶餐廳，佢係柴灣其中一間正常味道食肆之一。今日去食個午餐，今日午餐有3個，我揀咗雞扒焗腸仔飯, 好鐘食佢焗到唔濃，成層芝士你都食到，好怕出面果d焗到濃到睇到都唔想食。雞扒好好味，好嫩滑呀！少少咸，吊吓味，接受到！跟杯檸檬水，唔好睇少呢杯檸水，極多茶記嘅檸水係苦ka，苦到你到落好多糖，但呢度呢杯檸水唔苦, 唔洗加糖都似返杯檸水！$43仲有湯送，d嘢又好食，我唔小心比多咗$10收銀阿姐好老實好好心咁提我！要繼續支持香江茶記！

連鎖快餐愈來愈多，傳統街坊茶記真係買少見少，香江好舊式既茶記裝修，car 位無墊，其實都唔錯呢個早餐有餐肉+煎雙蛋+菠蘿油，餐肉有兩大塊厚切，煎蛋正常，只是菠蘿油既菠蘿包稍凍，另外菠蘿皮亦一般般，杯咖啡☕️都唔錯35蚊呢個價錢呢個質素及份量，算是合理的

今日約左男友食早餐同返教會，我帶左佢去間屋邨懷舊茶餐廳度試下，間餐廳起碼有廿幾年歷史，我好細過時食過一次，今次再去，間餐廳都已經裝修過，比起以前，啲燈光猛左好多，枱凳亦都乾淨左。我叫左個火腿絲通粉，跟餐配煎蛋腸仔方包同咖啡。先黎杯熱咖啡，咖啡味好濃烈，好似少奶咁，所以迫住我要落少少砂糖。再黎碗大大碗火腿絲通粉，餐廳都係用滑lu lu舊式通粉，但可能廚房煮耐左，或者屋邨多老人家幫襯，所以啲通粉煮得林左啲，方便老人家進食。碗通粉好大碗，食晒碗粉已經夠飽，所以塊方包我都比左男友食。腸仔煎得幾香又唔會好咸，煎蛋我無特別要求要太陽蛋，所以餐廳比左全熟既煎蛋。三十蚊已經食到好飽👍🏻。

放假早上輕輕鬆鬆嘆個茶記早餐簡直一流。呢間茶記年紀仲大過我。炸魚柳，炒蛋，腸仔加多士烘底。好豐富既早餐，周圍都係上左年紀既公公婆婆同啲侍應有傾有講，好濃既人情味，比起集團式好好多。再嘆埋杯茶走，精神滿滿，又可以繼續上路。

年尾既最後一日 諗住特登去接早放既男朋友放工 點知最後因為佢OT 搞到成五點先食到一餐 特登由地鐵站個邊行過黎就係要食呢間茶記 Menu吉列豬扒餐配薯條 ($36)下午茶既選擇都真係唔少 左揀又揀都睇左陣 爭扎究竟食吉列豬扒定雞脾好 因為之前就係俾雞脾張相吸引黎的 而豬扒就係當刻好想食既最後都係揀左吉列豬扒 雖然同我想像中個塊日式吉列豬扒有少少岀入 但係都炸到好香脆 同時又鎖住左肉汁 薯條就勝在熱辣辣 係即叫即炸既難得乾炒牛河 ($39)夠大份 牛肉唔多唔夠大塊但係食落夠軟嫩 河粉透薄 唔會炒得碎濕濕 唔會油淋淋 配菜都炒到好入味 阿姐仲好貼心咁問我地要唔要辣椒醬添 值得一讚凍奶茶凍檸茶呢間小店隱藏係屋邨入面 係舊式既茶餐廳 但係光猛簡潔 唔會覺得噏耷 其實呢類既舊式餐廳真係愈來愈少 而大集團既連鎖餐廳就愈開愈多 真係幾可惜啊

香江扺食茶餐都幾大份，我一個人去食更為細食都未必食得唒落肚。圖中包括有巨型雞腿炸得剛剛好，個雞腿皮十分之脆。好似食薯片今個感覺真係好得意，加上個雞腿肉唔會因為高温炸過而變老。我幾欣賞佢就算係炸雞腿都願意花功夫D薯條就冇咩特別，同普通雪藏貨一樣。

今日放假去柴灣整車，女朋友話呢條邨好靚，係佢最鐘意既pinkpink顏色，所以咪過黎影下偽文青相、望下囉。影到咁上下就搵個地方醫肚，呢間茶餐廳外觀好有feel，個名好似會考題目既餐廳咁，見落雨又廢事周圍搵就入去食左餐不錯既午餐。嗌左個茄汁焗雞扒飯同一杯凍檸茶，盛惠43蚊。茄醬係好傳統既茶餐廳茄汁，雞扒先剪再焗，肉嫰多汁，認真不錯。飯底雖然無炒底，但都焗到好乾身，撈埋個汁，差唔多成碟食哂。杯茶方面，茶底幾好，檸都多新鮮同唔孤寒，美中不足既係用膠杯，扣分!!食完停哂雨，雨過天青，望住呢條香港碩果僅存既，既開揚空氣又好既舊式公共屋邨，同身後呢間傳統舊式茶餐廳，慨嘆呢D既舊式，又舒服既地方係香港真係買少見少。

一班同事放lunch , 我們㨂左柴灣漁灣村一間老字號的懷舊茶餐廳～香江茶餐廳。入到去真係好懷舊，好在早去到，仲搵到位。我們三人也一齊叫焗豬扒飯$41，大大碟，豬扒切開細細件，容易入口，唔駛切，因為一般的焗豬扒飯，太大快，又要切，切的時候又會推曬D飯出碟外，非常難搞，不過如果可以再熱D就更加好。午餐配埋例湯，例湯大大碗，仲有好多湯渣，非常入味。我同事果杯凍奶茶，冰不會太多，味道啱啱好，另外熱菜蜜也不會太甜，唔駛加錢，非常抵。另一位女同事叫左一碟「男人的浪漫」～豆腐火腩飯$45，大大碟，賣相一流，味道也不錯。

好少去柴灣，係附近行outlet，有人介紹去街市据扒，但去到太晏，關左。 之後周圍行，就撞到呢間個腦即時好有共鳴既茶記。 香江茶餐廳。呢類型舊式茶餐廳 已經買少見少。老式幾十年既裝橫，對比宜家一街連鎖茶餐廳... 真正見證時代變遷。小時候長大既畫面出哂黎。個人覺得有時食野味道真係唔係最重要一環。叫左椒鹽骨飯 凍奶茶。味道稱不上特別， 就可能因為呢種平凡，唔係特別好食，但一啖一啖食下食下就食哂。食既可以話係回憶，人情味, 一住食，一住好多回憶。 細個周圍爬既繩網，火車架等等.. 同阿爸阿媽樓下樓上既鄰居d仔女玩捉。等等.. 旁邊仲有d舊式士多，呢個老區比我諗返起好多野。真係買少見少，希望呢d老鋪老師傅可以支持落去。P.s. 碟飯好大碟，價錢便宜，各樣都實屬一般，呢個好評係支持佢地咁多年到宜家既堅持，份精神。

在柴灣工業區工作了將近兩年，從來也只到藍灣半島午膳，這天誤打誤撞來到了住宅區域，發覺還是有很多有趣的餐廳！選擇走入了香江茶餐廳，全因它餐廳名字的字體及用字，不用“餐”字而用“飱”字……我想我應該可以吃到一點老舊情懷吧！果然,奶茶已經很有特色了，連order紙一齊出，一定唔會錯，哈！例湯同牛扒都好足料，湯渣瓜肉好林，但花生爽脆。牛扒預左加梳打粉，但係正正就係呢的味道夾埋，食到一種古早既味道！有時候，食野唔一定食材料，食賣相。環境同感覺，可能又是另一番風味！

中午時分， 我和同事到位於漁灣村的茶餐廳食午飯，這間茶餐廳是我第二次來光顧，出品可以用三個字來形容就是快，靚， 正。我們進入茶餐廳後便開始看餐牌，我想了一回便有了決定， 我決定點葡汁雞扒腸仔飯， 點餐不消一會兒例湯和熱飲便奉上，再過一陣，主菜葡汁雞扒腸仔飯也登場，我們轉眼間便能夠享用美食。食物的賣相是很重要的， 主菜葡汁雞扒腸仔飯，葡汁很豐富，白飯和葡汁堆滿了一整碟， 而雞扒和腸仔亦十分大件，視覺上已覺很滿足，賣相不俗。至於味道方面， 葡汁配白飯真是很夾， 葡汁香濃惹味，但又不會有辣的味道，雞扒煎得不錯，唔會太燶或太乾身，而葡汁令雞扒味道更特出，口感不錯，美中不足的是腸仔有點乾和有點涼，不太新鮮。至於中湯方面，中湯是菜乾瘦肉南北杏，雖然菜乾的份量很多，但湯味道較淡。熱飲方面，我點的是熱檸水，檸水很夠熱，味道很好。整體而言， 這間茶餐廳算是抵食之選。

中學係柴灣，而且放飯時間得一粒幾鐘自然就要穩間快手快脚既填飽個肚漁灣就脚得黎，坐低嗌單，10秒即刻送上手次次去食都係，啲阿姐阿叔真係唔話得份量超多，抵讚，我地同常3個人唉兩個常餐，都食到飽到嘔學生仲有免費热飲送，好似係如果冇記錯例湯好好飲，每日唔同，而且仲會有湯常常，冬瓜鮮甜，豬骨入味常餐變款唔多，但全部都大件夹抵食邊打口水都流曬出黎好想聽日即刻過翻去柴灣食